Монголын баг өнөөдөр Чех, Бразилын шигшээтэй тоглоно

Олимпын эрх олгох 3х3 сагсан бөмбөгийн тэмцээн Австрийн Грац хотод явагдаж буй. Тэмцээний эхний өдөр манай залуус Польш, Туркийн багийг хожиж хэсгээ тэргүүлж эхэлсэн. Харин өнөө шөнө дахин хоёр тоглолт тэднийг хүлээж байна. Улаанбаатарын цагаар  01:30 цагт Чех,  03:35 цагт Бразилтай хийх тоглолт эхлэх юм. 

FIBA3x3 олимпын эрх олгох тэмцээнд дэлхийн 20 улсын шилдэг тамирчид 5 өдрийн турш гурван эрхийн төлөө өрсөлдөж байна.