Дэлхий нийтэд CoVid19 халдвар тархсантай холбогдуулан Эрүүл мэндийн яам болон холбогдох албаныхан энэ сарын 24-нд эрсдэлийн үнэлгээ хийжээ. Эрсдэлийн үнэлгээгээр Монгол Улсад CoVid19 халдвар дотооддоо бүртгэгдэх эрсдэл маш өндөр гэж гарчээ. Улмаар дотооддоо хурдан тархах эрсдэлтэй гэж үнэлсэн байна. Тиймээс амны хаалт зүүх, хүн хоорондын зай барих, гараа угаах зэрэг урьдчилан сэргийлэх арга хэмжээг дадал хэвшил болгохыг холбогдох албаныхан уриаллаа.
