М.Саран 
НӨАТ-ын урамшууллын сугалааны тохирол журмын дагуу өчигдөр "Боловсрол" телевизээр шууд явагдлаа. Энэ удаагийн тохиролд 2020 оны 03 дугаар сарын 01-нээс 03 дугаар сарын 31-ний өдрийн хооронд худалдан авалт хийж, 2020 оны 04 дүгээр сарын 18-ны 23 цаг 59 минутаас өмнө цахим татварын системд бүртгүүлсэн 26,654,629 баримт хамрагдсан юм. Үүнээс
- 3 сая төгрөгийн 23
- 1 сая төгрөгийн 268
- 100 мянган төгрөгийн 2391
- 30 мянган төгрөгийн 23742 баримт тохиролд таарч азтан боллоо.
Үндсэн сугалааны дугаар 57559955 байсан. Супер азтан тодорсонгүй. Супер сугалааны дугаар 95854163 байв.
Иргэд өмнө нь жилд 1 удаа буцаан олголтыг авдаг байсан бол энэ жилээс эхлэн жилд 4 удаа буюу улирал бүр авдаг болж байгаа учир өнөөдөрөөс нэгдүгээр улирлын буцаан олголт иргэдийн дансанд орж эхлээд байна.
