Хүйтний улирал эхэлж байгаатай холбогдуулан хилээр их хэмжээний түүхий нүүрс нэвтрүүлэх тохиолдол ихэссэн. Иймээс түүхий нүүрс түлэхгүй, нэвтрүүлэхгүй байх үүднээс өнөөдрөөс буюу аравдугаар сарын 22-ны өдрөөс эхлэн нийслэлд өндөрлөг газруудад утаа хянах цэг ажиллуулж байна. Энэ талаар ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан өнөөдөр мэдээллээ. Ингэснээр утаа ихээр гарч буй газрын байршлыг тогтоон шаардлагатай арга хэмжээг авах аж.
