Авлигатай тэмцэх газар /АТГ/ иргэдээс мэдээлэл авах тусгай 110 дугаарыг өнөөдрөөс /2019.10.14/эхлэн ажилуулж эхэллээ. Иргэд тус дугаар руу залгаж, авлига, хээл хахуультай холбоотой бодит байдлыг үнэ төлбөргүй залгаж мэдээлэх боломжтой. 2019 оны эхний арван сарын байдлаар нийт ирсэн дуудлагын 13 хувийг утасны дуудлага эзэлж байна.
Өнгөрсөн жил АТГ иргэдээс мэдээлэл авах зорилгоор мөн “Иргэний хяналтын төв”-ийн дөрвөн салбарыг нээж байсан билээ. 2019 оны эхний арван сарын байдлаар авлигын мэдээллийг 868 нь шуудангаар, 282 нь биеэр, 192 нь утсаар, 73 нь цахимаар, 1 нь факсаар ирсэн байна.
