Тавдугаар сарын 18-ны Бямба гараг автомашингүй өдөр

Жил бүрийн тавдугаар сарын дундуур бямба гарагт бүх нийтээр биеийн тамир, спортыг дэмжих, “Автомашингүй өдөр” болгон “Улаанбаатар-Марафон” олон улсын гүйлтийн тэмцээнийг зохион байгуулдаг уламжлалтай.

Жил бүр зохион байгуулагддаг “Автомашингүй өдөр”, “Улаанбаатар марафон-2019” Олон улсын гүйлтийн тэмцээн зохион байгуулах үйл ажиллагаа энэ жил тавдугаар сарын 18-ны өдөр тохиож байна.

Үүнтэй холбогдуулан ирэх долоо хоногийн бямба гараг буюу 2019 оны тавдугаар сарын 18-ий өдрийг автомашингүй өдөр болгохоор болжээ.

Энэ өдөр Баруун дөрвөн замаас Зүүн дөрвөн зам хүртэл 08:00-18:00 цагийн хугацаанд автомашингүй бүс болдог.

Нийслэлийн Засаг даргын Тамгын Газар, Тээврийн цагдаагийн албанаас автомашингүй өдрийн хүрээнд замын хөдөлгөөнд өөрчлөлт оруулах талаар олон нийтэд мэдээлэл өгөх аж.